#чылдар_толгези (👈мурнунда үнүп турган чылдарны көөрде бо хештегти базар)
Араңарда ДАГАА чылдыг эр, кыс улузуңар бар болза арыныңарже үлежирин утпаңар.
ДАГАА ЧЫЛДЫГ ХЕРЭЭЖЕН УЛУС Бүрбү деп шолбанныг. Адыгжы деп сылдыстарлыг. Бо чылда төрүттүнген кыс чон артында эртежи, уйгу-чыдын билбес. Ындыг-даа болза өг-бүле ажылынга улуг тура чок. Холунга туттунган чүвезин шынарлыг, чараш кылдыр кылыр, шевер, тудунгур-кавынгыр. Дагаа чылдыг кыс улус ховар дээн чараш аажылыг. Эртем-номга чүткүлдүг, ыры-хөгжүмге ынак.
Пар, Хаван, Хой, Чылан чылдыг кижилерге барза эки. Тоолай чылда төрүттүнген кижиге барза, амыдыралынга черле эки чүве көрбес. Кудай өңү ышкаш көксүмээр эдилелге чаяттынган. Тос чүзүн малды азыраар салым-чаянныг.
ДАГАА ЧЫЛДЫГ ЭРЛЕРНИҢ ШОЛБАНЫ Бүрбү, сылдыстары Адыгжы. Ханы уганныг, туружу быжыг, чуртталгазы аас-кежиктиг.
Угаан-сарыылы кедергей сайзыраңгай. Ол хирезинде чамдыкта мырыңай кедергей мелегей чүүлдерни кылыптар. Чуртталгага тура-соруу улуг, хей-аъттыг-даа болза, шапкын хөгжүлдеге туразы чок. Дидим, каржы, бодун туттунуп шыдавас. Шала муңгаргай апаргылаар аажылыг. Херээженнерниң сеткилинге дыка таарышкан, оларны хүндүлеп билир, үнелээр, хей-аъдын көдүрүп чоруур. Хөй янзы ужуралдарга ынак, эртем-сургуулга чүткүлдүг, күзели улуг.
Кудай өңү ышкаш эртине эдилээр салымныг. Тос чүзүн малын азырааш дыжы ханар. Куш аймаа аңнавас.
Күске чылдыг кадай алзыңза, ону ядарадып каар сен. Инек чылдыг кыска баш билиндирбес сен. Пар, Тоолай, Хаван чылдар база-ла эки эвес. Улу биле Чылан чылдыг кыстар көрзе, үңгеп-союп-даа тургаш болза ашаа бол.
© "Улуг-Хем солуннуң типографиязы" деп чуга брошюрадан.
Автору бижиттинмээн.
1976 чыл.