#чылдар_толгези (👈мурнунда үнүп турган чылдарны көөрде бо хештегти базар)
Араңарда ТООЛАЙ чылдыг эр, кыс улузуңар бар болза арыныңарже үлежирин утпаңар.
Кончуг шын бижээн-дир мени)!
ТООЛАЙ ЧЫЛДА ТӨРҮТТҮНГЕН ХЕРЭЭЖЕН УЛУСТУҢ Лакпаа деп шолбаны, Тоолайлар деп сылдыстары оларга чүден эргим. Бо чылын төрүттүнген кыс чоннуң аажы-чаңы тывызыксыг, кижи болганы белен билип ап шыдавас. Аажы-чаңы бүргеп, чаап келир кудай дег өскерлиичел. Угаан-сарыылдыг, омак-өглүг аажы-чаңын чаңнаар. Кижи болганы-биле дораан таныжып, ижигип алыычал. Өскелерниң ишти-хөңнүн дүрген билип аптар. Ынчалза-даа эригиичел аажылыг. Кымга, чүге-даа хамаарылга чок болуксаар. Ынакшаан кижизинге эргим, чассыг болурун кызыдар, черле ооң ынакшылы кедилиг. Боду чоргаар, душкан-на кижи-биле таныжарынга туразы чок.
Тоолай чылдыг кыс улустуң ээлдек аажы-чаңынга эр кижилер дүрген алзыптар. Бодунуң ынакшылы-биле шилип алганы азы чүзүн-бүрүн чараш чаңы-биле чаалап алганы кижизинге кедергей бердинип, кедилиг, уруг-дарыглыг өг-бүлени тудар. Пар, Хаван, Хой, Чылан чылдыг кижилерге барза эки. Күске, Дагаа чылдыг кижилер үңгеп, союп-даа турза аайынга кирген ажыы чок. Кудай өңү дег эртинеге ынак. Чеди чүзүн малын азыраза байыыр, сеткили ханар, кезээ шагда таалап чуртаар.
ТООЛАЙ ЧЫЛДЫГ ЭР УЛУСТУҢ шолбаны Лакпаа, сылдыстары Тоолайлар. Тывызык дег аажылыг, чаңын өскелер белен черле билип ап шыдавас. Шыжыккан, ажынган чорууру хөй. Угаан-сарыылдыг, кылбас-тутпас чүвези чок. Чечен-мерген болурунга сонуургалы улуг, чүге-даа дүрген чаңчыгыычал. Бодунга көңгүс бүзүревес. Ижигиичел эвес, бүзүрел чок. Бодун тогдунар-даа болза сагыш-човаачал, кээргээчел. Чааскаанзырак болгаш озалааш сеткилдиг.
Тоолай чылдыг эр кижи ыры, хөгжүмге кедергей ынак. Дээр өңнүг эртине эдилээрге таарымчалыг. Чеди чүзүн малды доозазын азыраар салымныг. Тоолай, койгун аймактыг аң өлүрбес.
Чылан, Аът, Хой, Сарбашкын, Тоолай чылдыг кыстар сээң амырагың.